Make a big difference to The Big Idea.

Help us tell the most creative stories.

Become a supporter

× Sorry, you're too late! This opportunity closed 2 months ago. Visit our WORK section to see current opportunities.

Kaitaki Tīma Tuhituhi, Reo Māori

Job details

Organisation
Museum of New Zealand Te Papa Tongarewa
Closes
31 Jul 2022
Region
Wellington
Work type
Full time employment
Work classification
Marketing & Media

Share

Kei te rapu mātou i tētahi tokorua auaha ki te ārahi i te Tīma Tuhituhi Reo Māori, i te Tīma Tuhituhi Reo Ingarihi hoki, ā, me kaha hoki tēnei tokorua ki te mahi ngātahi. He pānui tēnei mō te tūranga reo Māori. Ko ēnei tūranga e rua te whakatinanatanga o te tikanga-ruatanga, koia hoki te kaupapa o te whare taonga mai anō i te orokohanganga.

Tirohia te tūranga reo Ingarihi

Te Papa

E tū rangatira ana a Te Papa ki te ao whānui i raro i tōna mana hei whare tikanga-rua, hei whare pūkenga-rau hoki. Ko ngā kaituhi a Te Papa ngā ringa tārai kōrero o te whare, he kaimahi tūturu ētahi, he kaituhi ā-kirimana hoki ētahi. Ko te mahi matua a ēnei kaimahi he tuhituhi kōrero mō ngā whakaaturanga me ngā momo ara pānui o te ao hurihuri, o te ao ā-hiko hoki mā ngā manuhiri. Ka huraina mai e rātou ngā kōrero whakahirahira, kātahi ka āta tāraia ngā kupu pārekareka, ngā kupu mārama ki te reo Ingarihi me te reo Māori – he wā tōna, ka tuhia te reo Māori me te reo Ingarihi i te wā kotahi, he wā anō, ka whakawhitihia ngā kōrero mai i tētahi reo ki tērā atu.

Te tangata tōtika

Kei te rapu mātou i tētahi tangata e ngākaunui ana ki te tūhono atu ki te iwi whānui mā ngā tuhinga auaha, ā, me hāngai āna tuhinga, me mārama hoki. He mea tuhituhi āna kōrero i runga i te mātau, ā, me ngākaunui anō te tangata ki te hāpai i te whakarauoratanga mai o te reo Māori.

Ngā āhuatanga tōtika:

  • he ngākau titikaha, he kaiārahi manaaki, he tauira tōtika – he toka tū mārire, ahakoa ngā ākinga ā-hau, ā-tai rānei
  • he kaitakawaenga māia, he kaikōkiri e mātau ana ki te mahi ngātahi ki te huhua o ngā tāngata ahakoa te rerekē o ngā pūkenga me ngā tirohanga, arā, ko ngā kaituhi nō te hapori hoki
  • he tangata e mōhio ana ki te kimi i ngā ara whaihua me ngā whakautu, kaua ko ngā raruraru
  • he mātanga ki te whakahaere kaupapa, ki te whakaraupapa mahi, ki te tuku kaupapa ki tangata kē i ngā wā e tika ana
  • he mōhio ki te whakahaere i ngā tuhinga kōrero, i te mahi whakahoahoa mō ngā momo tuhinga maha o te ao hurihuri me te ao ā-hiko
  • he mōhio ki te whakarite rauemi, ki te whakatakoto wātaka, ki te whakahaere pūtea, ki te whakamārama kaupapa hoki (arā, ko ngā momo mahi whakahaere kaupapa)
  • he mātau rawa ki te whakahaere i ngā pūmanawa ā-tuhi a Word me ngā momo rawa mahi ā-hiko (arā, ko te Trello), me mōhio anō ki te whakarite i ngā momo pūmanawa whakahoahoa me ngā puna raraunga kōrero
  • he mōhio ki te mahi i roto i tētahi tari tikanga-rua/reorua, he hiahia rānei ki te whai i ēnei momo tikanga mahi.

Kei raro tēnei tūranga i te mana whakahaere me te tautoko o te Pou Waihanga Whakaaturanga, ā:

  • ka āwhina koe ki te whakatū i ngā momo whakaaturanga a Te Papa, ā, ka mahitahi ki ētahi atu kaimahi pērā i ngā kaituhi, i ngā kairaupī, i ngā kaiwhakawhanake mōhiotanga, i ngā kaihoahoa, i ngā kaiwhakaputa mahi ā-hiko, i ngā kaiako me ngā kaiwhakahaere kaupapa tūmatanui
  • ka whakahaere koe i te tukanga whakaputa kōrero mō ngā momo tuhituhinga reo Māori katoa e pā ana ki ngā whakaaturanga, e whakapūmau ana i te tiketike o te kōrero me te tika o te takoto o te kupu
  • ka whakahaere hoki i ngā ratonga tuhituhi, i ngā ratonga ētita ki ētahi atu tīma o Te Papa kia pai ai te reo ki ngā manuhiri.

Tērā pea, kua whai pūkenga kē koe i roto i ngā mahi whakaputa pukapuka ki ngā whare taonga, ki tētahi whare whakaputa pukapuka, whare pāpāho rānei, ki te ao kiriata, ki te ao pouaka whakaata, ki te ao whakaari, ki te ao mātauranga rānei.

Ka noho te taumata utu o tēnei tūranga ki waenganui i te $80,718 me te $110,988 i te tau. Ka utua te tangata i runga i ōna pūkenga me tōna mōhio ki te kaupapa, ā, e whai ana hoki i te taumata utu o ngā kaimahi katoa.

Ka kati ngā tono i te weheruatanga o te pō o te Rātapu te 31 o Hōngongoi, 2022.

Me whai mana, ā, me pūmau hoki tō mana ki te tū hei kaimahi ki Aotearoa i raro i te ture.

Mai i te 1 o Hōngongoi 2022, me whāki ngā tāngata katoa e whakawhiwhia ana ki tētahi tūranga mahi ki Te Papa te āhua o tō rātou tū i raro i ngā Tikanga Kano Ārai (arā, me mōhio mēnā kua werohia koe mō te COVID-19). Me whakaae ngā kaimahi ki ngā tikanga kano ārai a te kāwanatanga, a Te Papa rānei, arā, me whakaatu tō ‘My Vaccine Pass’ (tētahi atu momo tohu rānei) e whakamana ana i tō whakawhiwhinga ki te rongoā e tika ana hei ārai i te COVID-19.

I mua i te whakatūturutanga o tō tūranga ki Te Papa, ka āta whakatewhatewhahia ngā kōrero mōu i mua i te whakawhiwhinga o te mahi, pērā i ngā kōrero a te ture me ngā kōrero a ō kaitautoko.

Written by

HainesAttract

14 Jul 2022

Interests We're an ad agency just like any other - but with one crucial difference. We specialise in helping employers attract people, not customers. See, we're in the business of growing your business - and we do that by ensuring you attract the talent you need to grow.